#Kavita by Mainudeen Kohri

पधारो नीं म्हारै देस :– गीत
*******
आवो नीं आवो सा
पधारो नीं म्हांरै देस ।
मोत्यां सूं महंगा पावणा
पधारो नीं म्हांरै देस ।।

थे पधारय्या म्हारै आंगणै
जागय्या म्हांरा भाग ।
मोतय्यां सूं थानैं भधारां
म्हांरै देस री आ ,पहचाण …….
आवो नीं, आवो पावणा
पधारो नीं म्हांरै देस ।

सोनलिय्यै धोरां री धरा
थानैं लुळ – लुळ करै सलाम
मरुधरा में थे पधारय्या
लख – लख लेवां थांरा अवारणां
आवो नीं आवो मोतय्यां सूं महंगा पावणा
पधारो नीं ……………….।

थे पधारय्या म्हांरै निज आंगणै
घी – खांड सूं करां थांरी मनवार
मीठी बोली रा पावणा
थांरै पधारय्यां , बढ़सी म्हांरोमाण
म्हांनै घणों गुमैज है
आवो नीं लखेसर पावणा
पधारो नीं म्हांरे देस …………..।

नाचीज़ बीकानेरी
मो*–9680868028

Leave a Reply

Your email address will not be published.